Tuesday, October 24, 2006

وضاع الهارد ياولدي

تخيل نفسك مكاني
اذ فجأتن وبدون ادني سابق انذار.... الهارد بااااااااظ
كل ما في الامر ان اخويا شال الهارد ونزل بيه ورجع ...جاي يركبه مرضاش يتفتح
بس
وضاع شغل 7 سنين كمبيوتر منهم 5 سنين نت و3 سنين وشوية كلية
كل شغلي رااااااح
الصور كمية صور مباني معمارية ونونوهات وكرتونات وبناتيت ومكياج وصوري وانا في مظاهرة وانا ووصحابي كلهم وصور مع صحابي في اسوان وصورهم هناك من غيري وبقية الصور ياوهوي تجميعة سنيييييييييييين
والابحاث والاشعار المتجمعة والمقالات والكتب والاناشيد والاغاني اللي اعتقد استحالة الاقيها في حتة واحدة ومسرحية شقلبة وحاجات ابراهيم الفقي وشوية ندوات عسل ولا الحاجات اللي احنا مسجلنها من التليفزيون
وصور الضرب والفيديوهات بتاعة ايام الانتخابات والافلاااام
تحس انه غباااااء
طب ما من الاول الحاجات النادرة دي تتعمل في سيديهات
عندنا سي دي ريتر طب ايه يعني استخسار ولا مفيش وقت ولا بنستعبط
ادي النتيجة كله ضاع
بس نقول ايه غير قدر الله وماشاء فعل
الحمد لله علي كل شئ
تقريبا خلاصة الكلام ... انا اللي جبت ده كله لنفسي
الواحد يلف يلف ويرجع للسيبر تاني
وادينا مستنيين لحد ما بابتي - السيد الوالد يعني - يتكرم علينا ويجيب واحد جديد
دعواتكم معانا

لطعته المضروبة سوكــا حوالي الساعة 10:57 PM 19 ناس عبرتني وعلقت


Monday, October 16, 2006

بحبك يامضروووووووبة ... اسكندرية يعني

وانا راكبة المشروع ورايحة الكلية ومعدية علي البحر... عادي يعني علي سكتي
كان ناقح عليا اني مرحش الكلية وانزل اقعد علي البحر شوية مش عارفة ايه السر في حبي ليه.. بس بحس ان البحر في اسكندرية ينفع يبقي صاحبي احكيله ويفهمني وعمره ما حيقلي حاجة ولا حيتفلسف عليا
احكي واعك في اكلام ولا حيهمني.. انا عارفة انه حيفهم صعب اني الاقي حد يفهمني مش عارفة ليه هو السبب يمكن فيا ولا في الناس ولا في مين مش عارفة
المهم اني زي البتاعة رحت الكلية ولا نزلت ولا يحزنون
عندي سيكشن بقي وانا بنت مجتهدة من يومي واهم حاجة عندي الدراسة وكل الناس تشهد بكده والورقة المتعلقة باسمي اني تخطيت الحد المسموح بالغياب السنة اللي فاتت تشهد
بس معرفش المهم اني عملتي فيها اني مجتهدة ورحت الكلية وحضرت السيكشن وهيست وقعدت مع العيال شوية واديني اهو في سيبر وماشية بعد ربع ساعة بالتمام والكمال
بافكر وانا مروحة بيتنا انزل بس الدنيا سقعة وانا عندي برد اعمل ايه .......... ده سؤال زي الشاطرة حاروح بيتنا ولا كاني فكرت في حاجة
مفيش احلي من انك تحلم وتقرر حاجات ومتنفزش منها اي حاجة
المم اني عمالة ادور علي اغنية محمد منير دي ولقيتها واديني اهو من فراغي بكتبها ... يلا خير خير ادي اخرة بنات عمارة ...والله لوحد قال عليا مجنونة ابقوا قولولوا ان الكلية عملت فيا كده
نرجع للاغنية بحب الاغنية دي بحس انها بتعبر عني
بحسها اوي في كل كلمة
*
*
يا اسكندرية بحرك عجايب
ياريت ينوبني من الحب نايب
تحدفني موجة
علي صدر موجة
والبحر هوجة
والصيف ما طايق
اغسل هدومي ... يااسكندرية
وانشر همومي ... يااسكندرية
علي شمس طالعة ..
وانا فيها انا فيها دايب
كاني فلاح من جيش عرابي مات علي الطوابي وراح في بحرك
كاني نسمة فوق الروابي من البحر جاية تغرق في سحرك
كاني كلمة من عقل بيرم كاني غنوة من قلب سيد
كاني جوه المظاهرة طالب هتف باسمك وراح معيد
يااسكندرية يامصروية
علي سن باسم
علي ضحكة هالة
البحر شباك ومشربية
وانتي الاميرة علي الدنيا طلة
وفيكي خمري يااسكندرية
سلمت امري
مقدرش اشوفه ومغنولوش
يااسكندرية عاشق وبدي ارتاح في حضنك الود ودي
يكون كلامي عربون غرامي
وبالمحبة ناخد وندي
يااسكندرية فيكي الغلابة علي الرزق يسعوا ولا يناموش
نزل شبكهم في بحر طامي
طلع شبكهم علي فشوش
وفيك بين البشر ديابة وفيكي فوق البشر وحوش
وفيكي ناس مغرمين صبابة لو خانوهم زمانهم مبيخنوش
وفيكي خمري يااسكندرية
سلمت امري
مقدرش اشوفه ومغنولوش

محمد منير يااسكندرية

لطعته المضروبة سوكــا حوالي الساعة 8:32 PM 4 ناس عبرتني وعلقت


عبده المهم يحييكم

(مش فاضية (واحدة لابس نظارة وعامل فيها مهم
الناس حتقولي ..... تقولش عبده المهم - عبده المهم غصبن عنك منك له له
- (واحد حيطلع زرابينه علي اللي حيتريق)
*
*
(بس بامانة مش فاضية اعمل حاجة خالص(واحد فالق نفسه من العياط
تسليم وتقييم مشاريع ولوح وشغل تبع الكلية ورمضان واعتكاف ومساعدة ماما في البيت وصحابي
(واخيرا الهارد ضاااااااع (واحد بيدعي علي ناس
المشكلة الأكبر بقي اني بعد ده كله مش عارفة انام يعني انا عندي اولويات .. النوم هو نمبر 1 ... ولا يوجد له بديل
(واحد بيعيط وبيتاوب)
(الواحد مش عارف يعمل ايه لا ايه (واحد بيعيط وفالق نفسه من العياط
*
*
عامة انا حاسكت المطالبيين باني اعبر البلوج باي حاجة لحين رجوعي بالسلامة
متنسوش دعوات لحد ما اجي تاني
(واحد بيضحك)

لطعته المضروبة سوكــا حوالي الساعة 7:46 PM 2 ناس عبرتني وعلقت




الاقصى