Wednesday, March 28, 2007

تم السلق


- وبعد كووووووووووول ده - اللي هو ايه معرفش بس هو بعد كل ده

تم سلق التعديلات سلق بيض معتبر

وبنسبة طلعت مسخرة

مش عارفة كل الناس زعلانة ليه من التعديلات .. دي شخصيات بتحب تعمل كل حاجة بالقانون

الفكرة انهم قننوا كل البلاوي اللي كانوا بيعملوها مع بعض الحبشتكنات والتذويقات

يعني هما عايزين شغل مظبوط ودي ناس اهم حااااااااجة انه
كله يبقي ماشي بالقانون
....
بجد اكتشفت اننا وحشين اووي

لا بجد ..احنا وحشين اوي اوي اوي
*****

اه سؤال عمال يلح عليا من فترة ... لو الناس اللي هي همها لقمة العيش ليس الا.... اكتشفت المآسي السوداء اللي عملها تعديل الدستور من إقتصاد حر يعنى إلغاء الدعم عن السلع والخدمات واننا نتحول لنظام الوظيفة العامة يعني التعاقد السنوى وسلطة الفصل المباشر
يعني إعفاء الدولة من أى إلتزام ناحية العاطلين ومفيش منع لتسريح العمال لينضموا إلى طابور العاطلين
وحيتقلص الدعم الصحي وحتتكبت الحريات وقانون الارهاب وتوريث الحكم وكووول مآسي التعديلات
لما فجأة يلاقوا ده كله علي اعتبار ان سلق التعديلات لم يسمح لاغلب الناس انها تعرف ان فيه حاجة اصلا
.....
تفتكروا حد يتجرأ ويطلع ويقول لأ
او يعمل زي لبنان ويعمل اعتصام
او يعمل انتفاضة ضد الذل والتعسف والكبت والفقر والقهر والظلم الفاضح ده
....
ولا هو اتعود علي ثقافة الخنوع والاستكانة
وان اللي نعرفه احسن من اللي منعرفوش
وان الريس فاهم اكتر مننا وهما ادري
وان مفيش احسن من المشي جنب الحيط
وان الكلام ده حيودينا ورا الشمس
علي اعتبار يعني اننا كده البلد كلها ادام الشمس ده كلنا ورا الشمس
تفتكروا؟؟؟؟؟

*************
ملحوظة هامة جداااااااااااااا .... مصر بتخرب..خدلك قالب


ملحوظة تانية خااالص ... انا مش كنت ناوية اكتب حاجة بس الحمد لله خلصت مشروعي اه سلمته زوبــــــــــــــــــالة ومتوقعة تقييم فلة بس اتسلم خلاص وقلت اشوف بلوجي عامل ايه

ملحوظة اخيرة .... منك لله ياابراهيم بوظتلي لغتي اكتر ماهي بايظة

لطعته المضروبة سوكــا حوالي الساعة 3:24 AM 9 ناس عبرتني وعلقت




الاقصى