.. كيفي كده
حلمي النونو نفسه يكبر....وحيكبر
Wednesday, November 01, 2006
وبدأ التبييض .. اصدي التفرييخ
يــــــــــــــــــــــــــــــاه .... بقالي كتير مش هيست التهييس دهحقيقي امبارح كان يوم مسخرة
معروف ان طلاب عمارة - متعرفش مين اللي طلع السمعة دي علينا - دماغ ومهيستية ورايقين
وفي اقوال اخري يقال علي قسم عمارة...ادبي هندسة
يلا اللي عايز يقول حاجة يقولها
احنا يهنا راحة الزبون
*
*
بس انا بجد بحب ايام التبييض
اه من ايام التبييض
التبييض - علشان محدش يسال - في عرف طلبة عمارة
اه من ايام التبييض
التبييض - علشان محدش يسال - في عرف طلبة عمارة
بكل بساطة يعني
اننا ناخد مشروع كل فترة بنصممه ونعدل ونقيم ونسلم حاجات وتتغير سبعين مرة الي ان ترسي علي مشروع كل ده بنرسمه علي لوح صغيرة او شفافات
المفروض قبل معاد التسليم النهائي بفترة اسبوع اواتنين اوتلاتة شهر حسب الدكتور ... نجيب لوحة بنت ناس كده ومحترمة وغالية وكبيرة ونقعد نشتغل في الكلية كل يوم حتي ميعاد التسبيم ونرسم المشروع النهائي عليها رصاص وبعدين تحبيير وتلوين وكده يعني ونسلمها بقي
بجد الايام دي علي الرغم انها اصعب ايام لاننا مش بنام فيها بذمة وممكن منمش اصلا لايام متواصلة وطول النهار واقفين علي رجلينا اما قاعدين ادام الكمبيوتر
اننا ناخد مشروع كل فترة بنصممه ونعدل ونقيم ونسلم حاجات وتتغير سبعين مرة الي ان ترسي علي مشروع كل ده بنرسمه علي لوح صغيرة او شفافات
المفروض قبل معاد التسليم النهائي بفترة اسبوع اواتنين اوتلاتة شهر حسب الدكتور ... نجيب لوحة بنت ناس كده ومحترمة وغالية وكبيرة ونقعد نشتغل في الكلية كل يوم حتي ميعاد التسبيم ونرسم المشروع النهائي عليها رصاص وبعدين تحبيير وتلوين وكده يعني ونسلمها بقي
بجد الايام دي علي الرغم انها اصعب ايام لاننا مش بنام فيها بذمة وممكن منمش اصلا لايام متواصلة وطول النهار واقفين علي رجلينا اما قاعدين ادام الكمبيوتر
وجري ورا المعيدين وعك اكل واي حاجة ادامنا بتتلبس وشكلنا كاننا مضروبين بالجزمة ضغط غبي بجد
ده غير ماما اللي مقتنعة اني بروح اهيص مع صحابي وارجع وجملتها الشهيرة " انتي فاكرة نفسك في مدينة جامعية .. انتي في بيت محترم " مش مقتنعة اني ببالط علي اللوحة زي مخاليق ربنا
وبيترتب علي هذا تعب فظيع ومجهود محترم نخرج بعديها عايزين اسبوعين تلاتة نوم
*
*
علي الرغم من ده كله الا انها والله احلي ايام
الكاسيت شغال - برجع دماغي بايظة من الصداع - وكل واحد قاعد علي لوحته وكل شوية حد عايز شاي حد عايز نسكافيه واللي عايز شاي بلبن زي حالاتي حد نازل يجيب اكل يلا مين حياكل وانا وصحابي كلنا ناكل مع بعضينا اما اكل عك او اي حاجة او حتي ديليفري والمفروض القعدة من الساعة 8.30 حتي الساعة 9 بليل يعني طول اليوم تقريبا
فبيكون احلي وقت هو وقت السهرة
يبقي الناس هنجت وبدأت تهييس
كلنا في الغالب مزنوقين ولازم نخلص ونسلم وعلي الرغم من كده بنضحك وبنهيس مع بعضنا بحس اننا كاننا في بيتنا اللي يقعد فوق اللوحة واللي يوقع علي اللوحة شاي اللي يغني واللي قاعد بالشبب اللي داخل ينام شوية في المسجد وجاي اللي قاعد بيغني مع نفسه وفاكر صوته حلو واللي كل شوية فجأة يتخنق مع نفسه ويعيط
- اه لو يودوا الولاد في اي حتة تانية ..الواحد يخد راحته اكتر بقي -
نتصور مع بعضينا شوية صور عاهات
واجمل من كل ده روح التعاون ان لو اي حد متاخر كله يجري يساعده ويحبرله ويلونله
*
*
اعتقد صعب معظم الناس تفهم البوست ده
وحتقول ايه الحلو في كده يعني
بس
ممكن اللي عايش الجو ده هو اللي يحسه
انا حسيته وحبيته
مرسي عمارة مرسي دفعتي مرسي صحابي
ربنا يحميكوا لشبابكم ويخليكم للامة الشعب