.. كيفي كده
حلمي النونو نفسه يكبر....وحيكبر
Friday, November 17, 2006
يادى النيله
يادى النيله
يادى النيله
كل ماواحد ييجى يصلح
يتلككوا مليون تلكيكه
ويحطوا المنشار فى العقده
ويقولوا الأوطان والوحده
ومانسمعش كلام أمريكا
إحنا هنطرح خطه بديله
يادى النيله
*
*
مانتوا سمعتوا كلامهم ياما
طب ماعلينا
ايه الخطه اللى راسمهالنا
التغيير مايجيش بالقوه
والإصلاح يبدأ من جوه
حاجه جميله .. إتوكلنا
يعنى هتدوا الإنسان حقه
دا كل ماواحد يفتح بقه
تستعملوا وياه القوه
يادى النيله
مانتوا سمعتوا كلامهم ياما
طب ماعلينا
ايه الخطه اللى راسمهالنا
التغيير مايجيش بالقوه
والإصلاح يبدأ من جوه
حاجه جميله .. إتوكلنا
يعنى هتدوا الإنسان حقه
دا كل ماواحد يفتح بقه
تستعملوا وياه القوه
يادى النيله
*
*
ايه أخرتها ياناس وياكوا
طب ماعلينا
ايه وضع الدستور ف بلادنا
أصبر حبه ماهواش وقته
ماتسيب التغيير على راحته
الإصلاح مايجيش على سهوه
رجعت ريما .. وإتأخرنا
فكرك يعنى دى حاجه وسهله
لسه شعوبنا غبيه وجاهله
يادى النيله
ايه أخرتها ياناس وياكوا
طب ماعلينا
ايه وضع الدستور ف بلادنا
أصبر حبه ماهواش وقته
ماتسيب التغيير على راحته
الإصلاح مايجيش على سهوه
رجعت ريما .. وإتأخرنا
فكرك يعنى دى حاجه وسهله
لسه شعوبنا غبيه وجاهله
يادى النيله
*
*
إحترموا الشعب اللى آويكوا
طب ماعلينا
ايه هوه المطلوب ياخوانا
التغيير له بحر غويط
يعنى هنبدا بالتنقيط
علشان مانوسعش الفجوه
حتة حيله .. يللا قدرنا
الدنيا مخلوقه ف ستة
طيب يعنى هتبدأو إمتى
لسه هنعمل لنا كام ندوه
يادى النيله
طب ماعلينا
ايه هوه المطلوب ياخوانا
التغيير له بحر غويط
يعنى هنبدا بالتنقيط
علشان مانوسعش الفجوه
حتة حيله .. يللا قدرنا
الدنيا مخلوقه ف ستة
طيب يعنى هتبدأو إمتى
لسه هنعمل لنا كام ندوه
يادى النيله
*
*
صدقت قولت موت ياحمار
طب ماعلينا
والحريه وانتخاباتنا
الأحزاب أشكال وألوان
وأدى مجلس حق الإنسان
والتفعيل للمرأه ودورها
لجل مانطلع بالأوطان
هيه وسيله .. وتقدمنا
يعنى مفيش تزوير وخداع ؟
لا ما نقدرشى نسيبها مشاع
علشان مانجيبش الإخوان
يادى النيله
طب ماعلينا
والحريه وانتخاباتنا
الأحزاب أشكال وألوان
وأدى مجلس حق الإنسان
والتفعيل للمرأه ودورها
لجل مانطلع بالأوطان
هيه وسيله .. وتقدمنا
يعنى مفيش تزوير وخداع ؟
لا ما نقدرشى نسيبها مشاع
علشان مانجيبش الإخوان
يادى النيله
*
*
ماتسيبوا الصندوق يختار
طب ماعلينا
ممكن يبقى الحكم بإيدنا ؟
شكلك كده هتعكر دمى
داحنا يدوب بنقول ونسمى
تشرب شاى ولا أجيب قهوه
يادى النيله
ماتسيبوا الصندوق يختار
طب ماعلينا
ممكن يبقى الحكم بإيدنا ؟
شكلك كده هتعكر دمى
داحنا يدوب بنقول ونسمى
تشرب شاى ولا أجيب قهوه
يادى النيله
*
*
ليه مانتاش متحمل كلمه
طب ماعلينا
أنا رايح ابشر بالجنه
لحظه شويه وقبل ماتمشى
لسه ماقلتش حاجه أخيره
خير إنشالله
الموضوع محتاج لسنين
مش قبل ماتيجى فلسطين
ولما بقول تغيير من جوه
المقصود من جوه العيله
يادى النيله يادى النيله
يادى النيله
طب ماعلينا
أنا رايح ابشر بالجنه
لحظه شويه وقبل ماتمشى
لسه ماقلتش حاجه أخيره
خير إنشالله
الموضوع محتاج لسنين
مش قبل ماتيجى فلسطين
ولما بقول تغيير من جوه
المقصود من جوه العيله
يادى النيله يادى النيله
يادى النيله
هي ملطوشة من حتة بس منين مش فاكرة واهو اللطش يحلي المدونة برضه