.. كيفي كده
حلمي النونو نفسه يكبر....وحيكبر
Sunday, January 21, 2007
عالسريع
قرار
حاسافر اسوان بعد اقل من 5 ساعات
وبكده بتكون الاجازة اتضربت وكل مشاريعي ومشاويري وتخطيطاتي للاجازة اللي كنت محضراها ادمرت وتقلصت الي فسحة في اسوان ورؤية صحابي هناك بس
مننكرش انها حاجة حلوة ... حد لاقي
ونظرا لان الواحد معهوش رصيد زي العادة
وهنا محدش حيحاسبه علي اللي حيقوله
عالسريع sms قلت قبل ما امشي اسيب
واهو ابو بلاش كتر منه
ماما
مرسي كتييييييييييير بجد ....وبرضه ربنا يكون في عونك انك مستحملاني
زقططي يابت حاوريكي الاماكن اللي بحكيلك عليها
ابسط ياعم حتقعد عالكمبيوتر لما تقول يابس لا حد حيقولك ورايا مشروع ولا انا مقعدتش والله حتوحشني خناقتنا الاسبوعين دول
كان نفسي اشوفك وكنت ناوية اعملك بروجرام فسح تحفة لو جيتي اسكندرية بس يلا مفيش نصيب المرة دي ان شاء الله المرة الجاية
اصلي الفقري فقري يعني حنقول ايه كان نفسي بجد يابت لما تيجي اليومين دول اسكندرية افسحك واروشك بدل القعدة في البيت عند اهلك
سارة
انتي عارفة اني باعتبرك في مقام بنتي وعلي الرغم اني زهقت منك بس برضه حتوحشيني يامضروووووووووووبة اياك تنسي تسلمي ماكيتي ومتنسيش لما تبيضوا الصالة بتاعة القسم تفتكريني وتعتبريني كاني معاكم
يخليكي للامة والشعب يارب وتعيشي وتغرقيني في جمايلك
كان نفسي اقابلكم تاني والله بس نعمل ايه قرارات فجائية
نونا
الماكس مش حيطير يااوختشي وفي يوم من الايام حاتعلمه
كان نفسي احضر فرح اخواتك ده فرح ولاد د/عصام ياجدعان بس معلش حاحاول اجي بدري واحضر ده اذا كان لسه في ميعاده متغيرش
معرض الكتاب
يارب ارجع والحقك قبل ما تخلص
العيال في اسوان
اخييييييرا بعد سنة ونص حنتجمع في اسوان تاني بجد كلمة مزقططة صغيرة علي احساساتي
علي وحمز ورامي
زملاء الكفاح ... بجد ياعيال كان نفسي تسافروا ونرجع نتلم زي زمان
ربنا مش رايد اننا نبقي مع بعض ممكن ابقي اشقر عليك من هناك لما افضي
- الي صمصم - فخامتي
ياسلام عليكي يابت ياصمصم وانتي بتخلصي امتحان وبتقرري تسافري والناس لسه مخلصتش احساس راااااااااااااائع
الي كل اللي عدوا علي هذه المنطقة
معلش بقي كان نفسي تلاقوا بلوج ابن ناس وفيه بوستات بقي والذي منه بس نعمل ايه بقي في مشغوليات الحياه
اقابلكم ان شاء الله بعدين
ليه ؟؟؟
ايه يابلدنا ايه اللى جرالك ... ليه المـر بقة ده حالك
محمود المصري
محمود المصري
Saturday, January 20, 2007
اخرتنا كده!!!!!؟؟؟
من كتر ما بابا كل شوية يقولي ده انتي بقيتي مدمنة كمبيوتر الموضوع داخل دماغي بقاله فترة
حاسة ان اخرتها حنبقي كده
....
مش بعيد والله
.jpg)
.jpg)
.jpg)
.jpg)
الصور لاقيتها في فولدر اختي عالكمبيوتر ومعرفش جابتهم منين والصراحة مكسلة اسألها عشان محدش يتحجج بحجج واهية
للناس اللي متعرفش او بتتحجج بحجج واهية وكله كوم والحجج الواهية دي كوم تاني ..ده انا كنت باسمع شوية حجج من الناس اللي مش عايزة تروح تعمل البطاقة
...
بس ايه عجبببببببببب
المهم بناءًا علي الكام مرة اللي رحت فيهم القسم مع صحابي غير المرة اللي انا عملت فيها بتاعتي
...اكتشفت ان الموضوع زي شكة الدبوس مش بياخد 5 دقايق علي بعض
كل ما في الامر
انك بتخد صورة من شهادة ميلادك وبطاقتك الشخصية وتروح القسم اللي انتي تبعه وهناك ادخل واسأل اعمل فين
البطاقة الانتخابية حيقولك المكان في القسم فين بالظبط ... حيدوروا علي اسمك في السجلات وبعدين بتملي ورقة ببياناتك وبيديك ميعاد باستلام البطاقة ورقم عشان تستلمها بيه وبتروح في الميعاد المحدد وتقوله الرقم يديك البطاقة بس وكده حيبقي عندك بطاقة انتخابية
المهم بناءًا علي الكام مرة اللي رحت فيهم القسم مع صحابي غير المرة اللي انا عملت فيها بتاعتي
...اكتشفت ان الموضوع زي شكة الدبوس مش بياخد 5 دقايق علي بعض
كل ما في الامر
انك بتخد صورة من شهادة ميلادك وبطاقتك الشخصية وتروح القسم اللي انتي تبعه وهناك ادخل واسأل اعمل فين
البطاقة الانتخابية حيقولك المكان في القسم فين بالظبط ... حيدوروا علي اسمك في السجلات وبعدين بتملي ورقة ببياناتك وبيديك ميعاد باستلام البطاقة ورقم عشان تستلمها بيه وبتروح في الميعاد المحدد وتقوله الرقم يديك البطاقة بس وكده حيبقي عندك بطاقة انتخابية
الصورة من مدونة انا اخوان
الصورة دي انا شفتها السنة اللي فاتت في الكلية وكانت عجباني اوي لدرجة اني احتفظت بيها وقلت ابقي انزلها اسكانر.... الدنيا تلف تلف والاقيها عالنت
Thursday, January 18, 2007
رسالة الي بلوجي العظيم
بسم الله الرحمن الرحيم
...... /الي بلوجي العزيز
بعد السلام والتحية وكيف الاحوال وطيبون والذي منه
ازيك ؟؟ ..... حقيقي يقطعني ريلي ريلي يقطعني اتاخرت عليك وعلي الناس اللي بتعدي هنا كتييير لدرجة ان الناس افتكرتني مت ولا حاجة بس نعمل ايه بقي في الدنيا ومشاغلها
المهم اني اخدت الاجاااااااااااااااااااااازة خلااااااااااااااص وحافضي ... اه احتمال اسافر بس لسه ادينا بنطلع قرارات وبندعبس في موضوع السفر ده
علي العموم انا بس حبيت اقولك انك وحشتني.... احنا مهما كان برضه عشرة عمر وانت عارف العشرة متهونش غير علي الناس الوحشين
انا الحمد لله اخباري كويسة والامتحانات زفت والحمد لله .... متستغربش لو سقطت او طلعت بمادتين او حتي نجحت الكلام ده كله متوقف علي احساسات ومشاعير الدكتور تجاه ورقتي
يلا خير خير ان شاء الله يبقي كله تمام وزي الفل انا متفائلة خييير لابعد الحدود
انا بس كنت عايزة اقولك كده واصبح عليك واعتذرلك واعتذر لكل اللي عدي من هنا ولاقاني مش باشقر عليه
يلا اروح انا بقي في اي حتة وحتشوفني ان شاء الله كل شوية
سلام
مع حبي
سوسكا اسم الشهرة سمسمة وصمصم والدلع سوكا وبيندهولي ساعات سمية